هاهوما شي نصائح ومعلومات باقين سخان النكعة

يا مرحبا بوسط جديد هاهوما شي نصائح ومعلومات باقين سخان النكعة...أصحاب السمو والمعالي والسعادة، السيدات والسادة. يرجى التكرم بالتمعن في القراءة الاستفادة ، في حال القدرة، 

ارا الباب اللور ا حسن سير

اول نصيحة لي عمر شي حد مادكرها هي انك كاين واحد السر باش تعلم اللغة الانجليزية لي هو . غادي تمشي تشوف شي استاد اللغة الانجليزية وغادي يبقا يجي عندك للدار بوحدك ويعلمك من الاول وقوليه يبقا يهدر معاك غا بالانجليزية باش نتا تولي مرغم دير مجهود باش تفهموا . واسير أصاحبي شوف لي ypractici معاك باش يطلق ليك لسانك . هادي احسن فكرة اما داكشي ديال السونطر راك غاكاضيع رزقك . نتا خاصك لي يتمرس معاك الرأس فاالراس تفهم وتعلم مزيانة. اش فيها لادرتي مجهود وتعلمني اللغة لي غادي تخليك هنا أمير.  

شحال د الناس طلبوني بريفي نهدر على انواع الخدامي والدراسة هنا والصالير والارنبات وداكشي... 

اول حاجة الدبلوم لي عندك فالمغرب مادايزش هنا فامريكا. حيت امريكا كاطلب غا دبلوماتها فقط هنا حيت خاصك دير ليه المعادلة فالبلاصة لي غاتقرا فيها متلا غاتقرا فجامعة north Carolina خاصك تمشي عندهم هوما يقولو ليك . ماضيعش رزقك فشي موقعو عقل مزيان لاقريتي مزيان ودمرتي غادي تعيش مزيان كاين لي كايشد 100دولار للساعة دوم الهنود خطار فالمعلوميات وهي مطلوبة بزاف هنا. مابغيتيش تقرا ياك ضبر راسك . غاتخدم ف restaurant w store تمارة والدخل محدود خاصك تبقا ضرب جوج خدمات باش تشيط لاكنتي لوحدك اما مزوج غا تجيك قاسحة . امريكا ماشي كيفما كاتخيل فعلا كاين فرص احسن من البلاد . ب 10000درجة ولكن خاصك تكون SMART 

فاش غاتجي هنا باينة غاتمشي ضرب الكرفي فشي restaurant مع شي عربي يحرت عليك . باينة كتستا تسمع الخلاص عارفك مهاوش على الدولار . كون هاني لاخدمتي مع شي عربي غادي يعطيك شي 10 ولا 11 لاهورها معاك . ولا صديقي هاد التمن لا شئء هنا عمرك تزيد بيه لقدام غاتولي مضارب غا مع لكرا و الضو والماء والهاتف والويفي والماكل والمشرب وليصانص هادشي لاقدرتي تشري طوموبيل. هادشي كانقوليكم جيب معاك الماكس ديال الفلوس بعدا غا فلوس طوموبيل غادي تفتح ليك البيبان بزاف. 

ماتقلقش البداية صعيبة فبلادك بقا غا بلاد الناس 

Sow be patient... Be strong ...

لاخدمتي فشي سطور بحال متلا مرجان فالمغرب كاين لي كايلخص 15 دولار للساعة ولكن واخا هاكا هادا ماشي تمن مزيان نتا جاي طور الحالة ديما فكر بعيد خاصك تقرا أحسن 

وااخا لنفترض بغيتي تقرا اول حاجة خاصك تعرف انك خاصك تبقا ساكن فالولاية عام كامل ماترحلش منها باش الدولة تعاونك فمصاريف القراية كاتخلص ليك كولشي ولكن غير فواحد البلاصة سميتها community college فيها بزاف ديال التخصصات واادبلومات لي منها تقدر دوز تكمل القراية فالجامعة لي بصراحة الا وصلتي الجامعة وكنتي غادي مزيان عرف راسك غاتشد شي بوسط زوين هنا الحياة السعيدة . 

الدولة غادي تعاونك تقرا فالبلاصة لي قلت ليك وغادي تعطيك شي مصاريف تعاون بيها على ود الكتاب والتنقل وشي لعيبات . برنامج كيتسمى financial aid هو لي غادي تعطيك الدولة كوم غا راجل وقرا . حيت الدولة واخا تعطيك غادي تستافد منك الى كنتي ناضي وخرجتي شي نابغة فالعالم . 

الا ساليتي القراية ف community college غادي تفكر تقرا فالجامعة هنا أزميلي خاصك تحك جيبك حيت صافي اي حاجة خاصك تخلصها من جيبك وهنا كاين واحد الخطا كايديروا كاع الناس تقريبا 90٪ كايمشيوا يقراو عن طريق قرض بنكي . حيت بيني وبينك مصاريف الدراسة هنا خيالية لواحد الدرجة ماكتصورش 

انا كنعرف ناس قرأو عام واحد ي 40 مليون وباقي لحد الان كايخلصوا فالكريديات

شوفوا مزيان (ما بني على باطل فهو باطل ) لكنتي غاتاخد كريدي يعني راه فيه فائدة والفائدة هي الربا وهنا راك بديتي الحرب مع الله والرسول واخا كاع تشد الدبلوم فراك شديتيه بالحرام عمرك تشوف البركة فلهذا فكر مزيان اليوم دنيا وغدا اخرة. 

ومع دلك انا غادي نعطيك حل لان من ترك شيئا لله عوضه الله خيرا منه . ماغاتخسر والو قرأ فابور بداكشي لي غادي تعاونك بيه الدولة. ولكن كون حار ومتمكن من الضومين ديالك . وغادي يتخاطفوا عليك الشركات

بنادم مادكيش عوض مايتعلم اللغة الانجليزية قبل مايجي هنا كايلقا داك العقل الباطني ديالوا كايقوليك واتانتا تاتمشي لتما وغاتعلم... لا الشريف لاجيتي لهنا غاتبقا تجي من الخدمة كاااو عيان . الماكلة ماغاتقدرش طيبها فمابالك انك تمشي تقرا اللغة .  

الناس لي كاتسولي على الحرافي هنا عطا الله الخير 

عوض ماتبقا جالس متبع فالفايسبوك والشكح نزار ... سيردير دبلوم الحلاقة ديال الرجال حيت فيه لعاقة هنا خصوصا ديال النساء. فراسك كاين لي كايدخل مليون النهار ولكن خاصك تكون كيف قلت smart يعني يكون عندك محل ديالك كاريه وتخدم معاك شي 3 الحلاقة وتولي مدخل فلوس ديال بصح  

عاود من بين الدبلومات المطلوبة هي دبلوم او حرفة climatisation حيت امريكا كاملة عايشة غا ب climatiseur اي دار فامريكا كاملة فيه . مستحيل يعيشوا بلا بيه

معلومة غاتكون مفراسكش كاع الديور هنا مبنييين غا بالخشب. ماشي غا الديور تا الادارات والشركات والاوطيلات . يعني غا دير شي حركة تسمعك الجالية كاملة. ولكن عالاقل هاد الناس كايعطيوك شقة مجهزة فيها التلاجة والكليما والبلاكارات وكاين شي شقق دخل ليهم تلف فبلاصتك 

شوف اي خدمة ماعجباتكش دور ب 100 عطا الله الخدمة حيد عليك ديك العقلية د البلاد. ا حقا غانخرج نبقا بلا خدمة. هنا داكشي ماكاينش فهاد اللحظة لي كانكتب هاد البوسط اي بلاصة دوت منها كانلقا طالبين لي يخدم. راه البشار هنا مافيه لي يخدم غاهوا باش تكون ناضي وكتنقل فالخدامة بسلاسل خاصك اللغة الانجليزية اصديقي . بلا لغة غاتبقا محنسر فخدمة وحدة حيت غاتبقا تقول انك لاخرجتي ماتعرفش تقلب على خدمة اخرى . هدا هو العائق لي غادي تلقا هنا اصديقي. اللغة الانجليزية هي الحياة هنا.

اكتر حاجة قاتلة الناس هي لي العكز فالمغرب       وتمارة وقلة الوقت فامريكا الانسان لكان جاي غا بوحدو لاش كايبقا جايب معاه هوندا د الحوايج. خليك خفيف باش تا لامعجاتكش الولاية دير صاكك فكتافك وتكون كاتنقل بسلاسة وتخفف عليك تا مصاريف الباكاج.

ماتعول على حد هنا راسي يا راسي جيل معاك المصاري يا عمري هي كولشي 

كاين 3 ديال الطرق باش تجي لامريكا قانوني 

•  اهم شئ هي القرعة
• تاني شئ هو الزواج من شي واحد عايش هنا او جات فيه القرعة
• تالت شيء وهي الدراسة ولي غاليا ماغاديش تقدر عليها حيت خاصك واحد 40 مليون باش ديماري هنا 

كاين لي كاقوليك تجي ب عقد عمل وهادشي ناذرا فاش كايوقع خاصك تكون شي عالم ولا نابغة فشي مجال باش يصيطفوا ليك دعوة من هنا.

ملي تجي لامريكا عندك الحق تجيب لميمة و الوالد الحبيب دغيا تجيبهم ميسرين مع الوالدين. عندهم الحق يبقاو معاك 6 اشهر هنا . لابغيتي تجيب خوتك خاصو يكون اقل من 21 سنة . لابغيتي تجيب خوتكم اكبر من هاد السن خاصك دير ليهم تجمع عائلي لي كاياخد 14 لعام تقريبا او اكتر . 

البنات لي خايفة تبقا حدا مها هادي بلاد الفرص للشجعان خاصك بعدا تكوني بنت الناس بعدا باش ربي يسهل عليك . شحال من وحدة جات هنا وبقات عاطياها غا الفساد وتاحرميات . والديك مصيفطينك تخدمي وتعاونيهم. شحال من وحدة نسات والديها ومااكترهم وشحال من وحدة لاصقة فواحد على ود الأوراق حدها تاخد اوراقها كاتقوليه نتا بحال خويا . وهاد البلان دابا هو لي واقع فامريكا . الطمع خايب . 

البنات عنداك يضحك عليك شي واحد ويجيبك فيزا خطوبة راه غير جيب هنا الحلوة الحلوة والسلام عليكم 

خرجي من دار باك بعزك لي بغاك يجي للدار يدير العقد .وعاود راك كاين واحد القالب كايديرواه كايجي كاع لدراكم ويدير العقد ويضرب الحلوة ويرجع هنا يدفع ليك الطلاق . را كل واحد ونيتوا لي فراس الجمل فراس الجمالة. هادشي علاش قلبي تأسسي أسرة ماشي طلعي لوراق على واحد تا هوا عايق بيك خليتوا كيف ديما شي دعيوة من قلوبكم . وديرو جيم زعزعوا البوسط باش يطلع لكولشي