قبل ماتقرا فكر مزيان فهاد اخطر سيناريو يقدر يوقع ليك ملي تجي فيك كاع القرعة

ارا داك الباب اللور اخاي كمال 

قبل ماتقرا فكر مزيان فهاد اخطر سيناريو يقدر يوقع ليك ملي تجي فيك كاع القرعة

تغلط ف ds260 ونعاود تحلها باش تصحح شي خطا الشئ لي غادي يعطل ليك الموعد يكون رقمك كبيريكون فيك السل او شي نقيطات فصدرك يقوليك الطبيب شكيت فيك شي حاجة فصدرك خاصك دير تحليلة خاصة كادار غير ف فرنسا وكتاخد شهرين ومن موراها يقدر يكون فاتك الموعد  

يقوليك القنصل ماقنعتينيش خاصك تجيب وتيقة i134 وهاد الوتيقة حساسة للغاية خوك يقدر مايعطيهاش ليك

يكون عندك باك ليبر وماعندكش 12 لسنة كاملة وخاصك شواهد مدرسية ديال 12 لسنة ولي غاتعطل عليك الموعد  

الناس لي واحلين فالفلوس و غادي يخصهم يوريو القنصل يوم المقابلة جبت ليكم فكرة عمر شي ولد المرا طاحت عليه وهي فرصة كبيرة باش تعتق راسك عالأقل يوم المقابلة واخا افتراضية ولكن ماتصورش شحال غادي تحيد عليك ديال الضغط .  

كتعرف البنك ياك . مزيان. عندك شي صاحبك خدام تما او من العائلة . ايوا جري عندو قوليه عطيني ATTESTATION DE SOLDE ودير ليا فيها واحد 15 مليون او 10 على حساب واش نتا عزري ولا مزوج . 

تا كيفاش 10 المليون ولا 15 واراه غا بلعاني . كيفاش !؟ 

غادي يحط ليك ديك البركة فالبلاصة غير تدخل الكونط وخرج نتا ديك ATTESTATION DE SOLDE ويعاود يسحبها ليك . غير باش تبان انه عندك داك المبلغ . لاكان من عائلتك أو صاحبك راه ممكن يخطها ليك فالصباح وسير نتا دوز المقابلة وغير تخرج منها رد الزمر لبلاصتو 

القنصل لاشاف عندك فلوس محترمة ماغادييش يسولك لا على مستضيف ولا فين غادي ولا وتيقة i134 لا والو بالزربة يقولك فيزا مقبولة 

وكنصح اي واحد شد الفيزا يبات مايصبح راه الوضع اصبح لا يطاق بنادم ولا عايش اليوم وكايتسنا اش غايوقع غدا المستقبل مجهول 

شحال خايبة تكون عايش فبلاد مافيهاش تا الصفر منين تبدا 

عتق راسك و ا ولادك ضمن ليهم مستقبل امريكا كاملا ليك 

 اولادك الطبيب ديالهم فابوور فاحسن كلينيك واحسن ماطيريال . التعليم ديالهم روعة

كل أرض اهانتك غربة.وكل ارض احتضنتك وطن.هي ارض الله و حيث ما شعرت بآدميتك وإنسانيتك فذاك هو الوطن.

انا ماهاجرتش وخليت والديا وخوتي وبلادي . باش ندير لفلوس ونشري دار. وووو 

انا جيت لهاد لبلاد حيت عايش بكرامة كنخدم كنتخلص قبل من الوقت . حقي مضمون ممنوع الغلط هنا القانون كايحميني وفنفس الوقت متيق ليا رد بالك لاغطبتي نقلب عليك الطبلة . ملي كنمرض كنمشي لسبيطار مع الباب كنحس براسي وليت بخير . ماكانلقاش سيكريتي فالباب ماكايسولونيش فين غادي ... ما كايقولوش ليا السكانير خاسر سير تا لعام جاي لالالا مايقولوش ليا واش عندك الرميد . حشا. 

كندخل نتعالج عاد يشوفوا شنو غاندير معاهم . ملي كايدوزوا ليا وكيتهلاو فيا 

الا قلت ليهم ماعنديش باش نخلص كايقولوا ليا نقسموا ليك الفاتورة ... الا قلت ليهم ماعنديش تا باش نقسموا ديك الفاتورة كايقولوا ليا شحال قادر تعطي فالشهر... الا قلت ليهم والو كايديروا ليا إعفاء من مصلحة خاصة .... 

العيش بكرامة اكبر بكثير من جمع المال . 

انا عايش اللحظة ماكنجمعش الريالات. شنو زعما نهار نموت يديوهم الشمايت مورايا .. مانشريش دار هنا بالكريدي نغرق فيه 30 عام كل دار هنا ب 300مليون او 500 لابغيتي دار ديالك بوحدك مليحة . واش لابقيت كنجمع نجمع زعما غانجم ديك 300 مليون منيتك كاتحلم واقيلة. عيش اللحظة كول وشرب وفر شوية ماشي تبقا بالجوع نحن نعيش في اخر الزمان واش غاتبقا نتا عايش 30 او 40 عام الله واعلم.

املي توصل لهنا غاتهنا من بلاد باقا عايش ب مولينيكس فيها مقدم مجبد فالقهوة كايتسناك تحط ياجورا و خنشة الرملة... قائد كايتسنا غاتحط كروصى دالخضرا يدخل يتعشا بها . 

تيق بيا الراحة النفسية هنا فامريكا خاصك 100عام د الحضارة عاد توصل ليها فالمغرب 

بلادي بلادي و ان جارت علي عزيزة ماقلناش العكس حنا كنهدروا على ماليها....