بوسط سريع للناس لي كايسولوني ها العار ماتبقاوش تحطوا بحال هاد الأسئلة غا كمال راه جاوبكم 1000مرة
شاداني الخلعة معاكم بقات 3 ايام ل نتائج القرعة .
غير تجي فيك القرعه قلب على. لي يستاضفك قلب مزيان وعرف راسك معامن هادي اصعب خطوة عندك
1 انا تصورت بالصورة ديال العام لي فات فهاد العام واش مقبولة ؟
ايه الدري تواصل معايا ونجح بالصورة ديال العام لي فات .
2 انا خارج من 4eme او 5 ème واش عندي الحق نشارك فالقرعة ؟
لا ماعندكش الحق. يحت بكل بساطة خاصك تكون مكمل 12 لسنة وتجيب دليل لي هو شواهد مدرسية من بيت الاول تا للباك.
3 كيفاش غادي نلقا المستضيف ؟
هذا سؤال شبه مستحيل يجاوبك عليه شي حد . حيت المستضيف هو لي غادي يبقا شاد معاك الستون طوال مراحل بعد الفوز . ومن بين المهمات الي غادي يدير ليك هي ( يعطيك عنوان تابت. يجيبك من المطار. يديك لشي موطيل ويخلص ليك بلكارطة ديالو ونتاعطيه الكاش. حيت نتا جديد ماغاتكونش عندك بطاقة بنكية فامريكا . يديك دوز بيرمي . يقلب ليك على خدمة . يبقا يترجم ليك ملي توحل وغاليل غاتوحل فالانجليزية هنا . يصحابك الانجليزية هنا ديال المغرب . غادي يخلص ليك green card ب بلكارطة ديالو .
وراه الانس مابقاتش باغا استاضف شي حد بنادم مافيه خير . غير يوقف على رجليه يتسيف عليك .
4 شحال خاصني د الفلوس فكولشي باش تجي مرتاح ؟
خاصك فلوس الطبيب + الترجمة+ مصاريف الفيزا نهار المقابلة+ مصاريف green card + فلوس التيكي ديال الطيارة+ فلوس الموطيل ملي توصل هنا+ فلوس الماكلة+ فلوس طوموبيل لي غادي تهنبك من 90٪ د المشاكل
هادشي كامل خاصك شي 8 او 9 وراه ماغادييش تجيب ليك طوموبيل نقية . غتاخد غا شي برويطة اديك وتجيب الخدمة. المليح كيبدا من 8 لفوق
كون كانت عندي 8 او 9 كون درت ليها مشروع كاعما نجي لأمريكا
هادي مقولة واحد محشر عقلية فقيرة حقيرة
على 8 ولا 9 غلتقارنها مع امريكا لي مكن دخلت ف 3 اشهر او اقل لاكنتي خدام جوج خدامي
الا فيك السل او الزوهري او السيدا بلاما تعدب راسك مستحيل دوز فالقرعة
الا مادايرش 2 جرعات اصلا تا الطبيب مايهدرش معاك
انا بنت محجبة واش ماكاينش العنصرية
اممم نتي هي martin Lopez .
تي اش غايديرو بيك الناس هنا مضاربة غا مع راسها
الوقت فين يشوفك ماكاينش. ديري تا غلاف تلواي فيه ها العار غاتكون منك الكاينة. راه بلادك وفيها العنصرية .
الا كنتي شاك انك موحال تقبل بسبب ما .
سير دوز المقابلة وخلي الطبيب هو االلخر باش عالأقل مضيعش فمصاريف الطبيب. واخا راه خاصك تكون متوكل على الله اولا .
5 ندفع فالاول او الوسط او اللخر ؟
وا مسيكة راه القرعة كتعزل عشوائى
القرعة مكاتب ماجاتش فيك عاود شارك بقا معاها تاتشد ان شاء الله.
وطلب الله باش المغرب يلوح ليك حوايج فالمطار ويقوليك خرج عليا من هنا
جات فيك جيب معاك واللغة والفلوس ولي يستضافك
ملي تخرج النتيجة غادي نحط ليك بوسط ناضي فيه كاع الخطوات لي غادير باش ماتقولبش فشحال من حاجة .
كنديو معاكم دعاوي د الخير فقط .
إرسال تعليق